انه تعبان جيتك وبكلبي شايل ضيم
اخاف احجي وتفيض الروح يمك
انه بالصدر ضميت همي وكلت مااحجي للناس
بس فضحني الدمع من زاد الاهموم همك
مشيت بدرب وحدي وانت عني بعيد
وي خطوات جدمي محسيت انه بجدمك
سل السيف وكتي وبكلبي خضر ثار
ورفع رايه حرب وشفته ارفع علمك
عزمني علزاد غدرك ومد سفرته بدار
طلع هالدار كبري ودسيتلي بالزاد سمك
ضمديت اجروح ياما وشكثر عفت اجروح
ولميته اوصال جسمي وشلعت من الصدر سهمك
طويت اسنين مرت ورسمت لوحة شوك
ومن باوعت الرسمته شفته ارسم رسمك
شيبت من القهر وللعمر بعد اهواي
كلت اصير وياك واحلم وياك انه بحلمك
بليله من الليالي من جنت احلم بيك
مديت ايدي على ايدك وعرفت من شفت وهمك
تبين من نظرتك اليه انت ما محتاج
وبشريان غيري يجري برهاوه وفرح دمك
كلت انساك كلش واعيش انه بلياك
وخيطت جرحي وكلت كافي تره اذاني حيل لجمك
وانه ماشي بدرب سألوني عنك ناس
بجيت ودنكت من ذكروا علي اسمك
بجيت وعزف صوت الحزن عناي
وفز كلبي واجاك بليل عناي
احلفك تجي وتسأل اليوم عناي
تره مني كرب يوم المنيه
تحياتي
الحياوي
السبت مارس 14, 2009 10:21 pm