ابو ذيات صاكة

موضوع: ابو ذيات صاكة الأحد يوليو 06, 2008 1:04 pm

ابوذيات شوية بيهه غزل مع تحياتي

احبك اكثر من الكون ,,,,,,ونسة
وعندي الموت اذا يرضيك ,,,ونسة
ما فارك ابد ذكراك ,,,,,,,,ونسة
واقدم الروح لعيونك هدية

قلم كلبي تداين ,,,,,,ورقة منك
وابد ماكو بجمالك ,,,,ورقة منك
اسجلك انتة الاول,,,,,,,ورقة منك
واكتب لافتة محجوز الية

احبك من جنت بالمهد ,,,,بجاي
احبك مثل صوت الحزن,,,بجاي
احبك لو تحط الزهر ,,,,,بالجاي
اشربة ولا يضل كل الم بية

انا ابيض واليالي ,,,,,عتمني
وخسرت اجمل شبابي,,,,,عتمني
حبيبي وجان بيدي ,,,,,, عتمني
الوكت لمن بجت عينة علية

ايامي اشلون اكظيهن ,,,,,وعدهن
البنات اليوم ما يوفن,,,,,,وعدهن
عدنة الوفة ياصاحب,,,,,,,وعدهن
هجر للمحب نيران واذية

عيوني من البواجي عليك ,,,,,,صفن
وجمالك عذب المخلوق ,,,,,,,صفن
انتة تمر وحنة نوكف,,,,,,, صفين
صف ينحني وصف ياخذ تحية

اصد وازعل وادير الوجة,,,,,,,طبعن
لأن لجمات الك بالكلب ,,,,,,,,طبعن
حلو بكلشي لاكن بيك ,,,,,,,طبعين
تشك وتغار من روحي علية

طلع لابس كمر ولفي ,,,,,وساعة
سواد العين اخذ نصهة ,,,,وساعة
اطير امن الفرح ساعة ,,,,وساعة
اشوف الموت اذا متمر علية