حبيبي شاعر من كتابتي في الوصف

.*.*.*.**.*.*.*.*.*.*.*.*.*.*.*.*.*.*


:.:.:.:.:.//////// حبيبي شاعر /////////.:.:.:.:.:.:.:.:.


يرگصها القوافي لــــــــــو كتب چـــــم بيت *** تدوخ برقته وللملامس اچفوفــــــــــــه

عشگ صوت الشعر من يحجي جن نغمات *** يخط نغمة اعله نغمة تصير معزوفــــه

نحات الشعر يرسم صور لــــــــــــــــو گال *** فن ويالفصاحه تذوب لحروفـــــــــــــه

يدفه من البرد لويسمعه العريـــــــــــــــان *** ويچلب بعد للموت ميعوفـــــــــــــــــه

يعطشله الشعر ويشربه قطرت مــــــــــاي *** ويعناله زحف لهفان لجروفــــــــــــــه

واذا ردت اوصفك چـــــــــــــم كلمه تكفيك *** شگول اعله الگمر من طلك اخسوفـه

يالشعرك بحر يتلاطم الامــــــــــــــــــــــواج *** لونه منالشمس ويكتلن ازلوفــــــــــه

ملاك اعله الارض مداخل بانســـــــــــــــــان *** وآجزم طينتك بالعسل مديوفـــــــــــه

يا قمة كرم يا هيبة يا سلطــــــــــــــــــــــــان *** ذبح روحه بيسر وكلها لضيوفــــــه

يا عود ومسچ يا جوري يا ريحـــــــــــــــان *** حديقة تبث عطر بالورد مرصوفــــه

واذا انت الشعر شكتبلك اني اشعـــــــــــــار *** أظل دايخ بدهري وهاي معروفـــــــه

أظل دايخ بدهري وهاي معروفه



بقلمي سيد حسين الصافي
اتمنى ان تعجبكم
13/3/2008

مشكوووووووووووووووووووور و شعرك كلش حلو و ننتظر منك المزيد من الشعر و من المواضيع الاخرى :alien: