دارمياتي // اين الاسباط اتمنه تعجبكم ....

السلام عليكم :
هذه بعض ابيات الدارمي انشاء الله تعجب ذوقكم العالي
من ( كتيب ذكرى الواقع ج1 ) :-
¤ { للسيد حسين الصافي } ...
¤ { العراق / واسط / قضاء الحي } ...

سبحان من سواك من تمشي موزون *** واحسدها انه الگاع شايلتك شلون

بكل شوگ آمر عالدار مشتاگ اطوفه *** بلكت يفك الباب آروي منشوفه

احمد تظل ودوم خوتنه خوة *** وآلما رضيت وياي افرضها گوه

وجه ابيض ومزيون هم لابس احمر *** دوخني والعباس خلاني افتر

اشتاگ إلك يفلان كالساعة اشتاگ *** صرت انته مثل هواي ما نهوه الفراگ

حين التعد صدگان تلگاها الفين *** غربله وكت الضيج ما تصفة بثنين

اجمل حياة تصير احلى انته بيها *** يضل وجهك يشع نور منك عليها

صبح ومسه وبليل اشتاق اشوفك ***افديها هاي الروح لبوسة اجفوفك

اسف وأجيت اليوم خوية ارد اراضيك *** چيف انته طيب ذات بعيوني اخليك
نعلعله ابو الحباك لابو ابيه *** شمحصل انه وياك بس الاذيه

حسبات الك بالكلب دمعات الك بالعين *** دمرني حبك ولك كفرني بالدين

وللسفر :
.,.,.,.,.,.,.,
.,.,.,.,.,.,.,

شاعر سفر يا هواي سواني الفراگ
كل ساعة افكر بيك كل لحظة اشتاگ

خايب يگلبي شبيك تلچمني كالساع
بس لا حبيبك راح عافك بلا وداع

راح العزيز اليوم خلاني وحدي
من البعد ذبليت گطعلي چــبدي

سافر حبيب الروح خلاني محتار
ما گلي الله وياك من ودع

يالگلت باچر جاي شو طال الغياب
منتظر صار أسنين واگف على الباب

مسافر بعيد هواي كلش عليــــــــه
گلي سفركم دوم لو منه جيـــــــــه
ابشر سفر ميطول ليش انته خايف
ارجع ودور اعليك كل المضـــايف
مرحب وسهلا بيك من ترد سالـــم
اباب المضيف ودوم متظر هايم


يمسافر لفرگاك نهمله العيون
گلي الحياة شلون من غيرك تكون

وين انت رايح وين يالتارك اهواك
لاضحكه لا هم زاد ما غزر وياك
كلبي اشتعل نيران من فاركتني
ما ظن تردلي الروح يالودعتني

چن جمره چن بركان يشتعل بيـــه !!
كلها سبب فرگاك !!! هاي الاذيه !!!


تقبلوا مني اطيب التحيا
اخوكم سيد حسين الصافي